( مكتوب) كلمات/صبري حسين
مكتوب
ومتسطر علي الجبين
يكون لي ضي العين
ومعاه اعيش الامان
انا دايب حنين
تايه بقالي سنين
بدور عن الحنان
معاندني الزمان
امشي اروح علي فين
وهو في كل مكان
ساكن جوة العين
قدر ونصيب
تكون لي قلبي حبيب
مع انك بعيد
ولايوم هايجمعنا طريق
شفته نزلت بحور العشاق
اهو بقيت غريق
وتهت عن الطريق
ووقف بي الزمان
هايم في بلاد الله
بدور عليك
بنادي عليك
انقذني من الهلاك
معاك طوق النجاة
كلمة منك
نظرة من عنيك
ترجعني للحياة
مكتوب عليا
اعيش غريب
وانا وسط الاصحاب
يا اجمل حبيب
انت كل الاهل والاحباب
تعال يا حبي
نور ظلام قلبي
رجعني للحياة
يا كل الحياة
حبك لي حياة
حبك لي حياة
صبري حسين
ليست هناك تعليقات:
إرسال تعليق