ياناسينى
**********
من بعد غياب وفرقه
والبعد وناره الحارقه
وانا فى دموعى غارقه
والكل جانى يواسى
مابقاش معايا فارقه
ولما تغيب عن عينى
ويطول بعدك ياناسينى
وتمر عليه سنينى
والعمر أصبح عمرين
وطالت عليه السنين
ياترى الاقيك فين
او اسال عنك مين
يريح قلبى ودقاته
ويخفف من نبضاته
والعمر الضايع باهاته
يشهد على بعدك عنى
نفسى مرة تطمنى
وتقرب وتكون منى
انا شوفت كتير منك
ماتقولش ده غصبا عنك
انا كنت بطلب منك
تهدى شوية وتسمعنى
ماتقولش كلام يوجعنى
ولقلبك تانى ترجعنى
ايه اللى باعدك يعنى
ماتقرب تانى شويه
وان اشيلك جوه عنيه
وتملا قلبى حنيه
ده مافيش غير قلبك ليه
**********************
راوية حسن
ليست هناك تعليقات:
إرسال تعليق