" وعيدك يا مصر.."
وآه ياليل ياعين ...
بلد نايمه في حضن
النيل
وبعزف السواقي
ساعة مغربيه
بتغني بنواح ربابه
ودموع سمسميه
وعلى الحيطان أسطورة
شعب إتحدى الطوفان
بهيبة أسود
رسموا لوحة مصر
الصمود
وآه ياليل ياعين ...
مصر فلاحه برموش
عنيها بتغزل
قصة بلد بين سطور
الأيام بتعشش
حجر فوق حجر
يامصري للسما لاحت
مجد وحضاره
بنور الشمس مضويه
وآه ياليل ياعين ...
وكروان على غصون
المسا بيغني
بضحكه على الخد
وحكايه
وشباب زي الورد
قطفوا للبلد
نجمايه
وفرحة عيد في
القلب مرسومه
بإسمك
يا مصر المحروسه
وآه يا ليل يا عين...
وعيدان سنابل
بتتمايل
على خطاوي ارواح
مضحيه
وتفضل للأبد هي
عايشه
زي الوشم في
القلوب
هي مصر الخلود
" ومشربتش من نيلها "
بقلمي نونا محمد
ليست هناك تعليقات:
إرسال تعليق