🌷 متسألنيش مين تكوني🌷
.........................
متسألنيش مين تكوني على فكرة
" انا الماضي انا الحاضر انا بكرة انا الذكرى "
انا اهو واقفة بمكاني ومتغيرش عنواني
انا هتلاقيني في كل الناس على شطك
وفوق موجك انا اهو واقفة علي حدودك
انا اللحن عل عودك انا ليلك انا سكونك
اناعايشة بجفونك انا قمراية بتلالي
وبتنادي عليك بصوت عالي
انا مجرى الدم بشريانك
انا نجمة فى سماء ليلك
وصدقني ماليش غيرك
فمتحترش في تكويني
ماانت شفتني بقلبك
قبل ما تشوفك عيني
فمتسألنيش مين تكوني
انا انت على فكرة
،،،،،،،،،،،،،،،،،،،،،،،،،،،،،،،،،،،،،
🌷فاطمة عوض سعد الدين🌷
ليست هناك تعليقات:
إرسال تعليق