من بعد ماسابنى وراح
وتملكت منى الجراح
والقلب بات يومها حزين
والعمر فات والحزن لاح
انا قلت ليه القسوه ليه
وهو كنت عملت ايه
وكل ذنبى انى امنت
بقلب عشت عشانه وبيه
اتاريه خدع قلبى وفات
و قلبى من ساعتها مات
ونسى الحنين والشوق إليه
وكله أصبح ذكريات
ياقلب ياابو الجرح فوق
وياما مر عليك وروق
من كاس خيانه وغدر كان
طول عمرك منه انت تدوق
انا قلت خلاص كفايه ظلم
وهدى من الجراح ولم
جرحك كبير عايز يطيب
طبب جراحك وعيش ياعم
كان نفسى انسى كل اللى كان
وارجع بقلبى زى زمان
بقلب اخضر فرحان منور
مافيهوش للكره اى مكان
لكن اعمل ايه ظلمك كبير
وخلى قلبى انا له اسير
حاولت انسى من كل قلبى
لكن كان ليك اكبر تأثير
شغلت قلبى بحاجات كتير
وهو دايما عليك يغير
مش عارف إدارى ولااوارى
من كتر ظلمك وضعى خطير
وكنت خايفه على قلبى منك
تبعت كلامك تبعت رسائلك
واشوف واسكت ونفسى اقولك
كفاية ابعد وانا انسى سيرتك
مش عايزه اعرف حاجه عنك
ولاحد ييجى يكلمنى عنك
صفحه وطويتها بكل مافيها
كلمه اتمنيتها اسمعها منك
لكن نسيتها مش تبقى هى
كلمة بحبك
مش تبقى هى كلمة بحبك
ليست هناك تعليقات:
إرسال تعليق