في حد بيطيب
وحد بيعيب
وحد سحلاوي
وأنا عشتها ••
حاوي
أخد بلاوي الناس
وأكتمها جوايا
وبكلمه سحريه
أقلبها ضحكايه
وأفرق البلالين
على اللي مكتئبين
ماليها بالفرحه
وأخطف دموع العين
و ذكريات جارحه
و أزرع مكانهم غنا
سنه وراها سنه
الإختيار بقى فرض
فرحت طوب الأرض
و أنا قلبي متدغدغ
و كل إيد تتمد
يومين و بتزوغ
#أحمد_عصام_عبدالكريم
من قصيدة #حاوي
ديوان #لعبة_البسكوت
إصدارات #الوردة
حالياً بمعرض الإسكندرية للكتاب في الفترة من
1 - 10 أكتوبر
ليست هناك تعليقات:
إرسال تعليق