هاتقول وأصدق
**************
حلفتك بالله ماتعند وعود
وارحم دمع بات ع الخدود
ومش هنجيب سيرة عهود
أصلى عارفك دايما بتخلف
ومهما تحلف
بحس ف كلامك دايما تكلف
ودايما بتوعد وتخلف وعودك
وتقول مش هتبعد ويدوم وجودك
ولما أصدق بتغير ردودك
ومهما تقول وتقول ها اصدق
ولأنى واثق مابقتش بقلق
وما اتعودتش اخاف وادقق
بالذات معاك
أصلك ايه فى صورة ملاك
وقلبى رهبنته فى هواك
دلوقتى جاى تقول هابعد
بلاش تعند وتقطع الحنين والود
ليه بتبني بينا الف سد وسد
وبتكسينى بتوب م العذاب
قاصد بالقصيده لوم وعتاب
ورجاء أرحم القلب اللى داب
م/محمد بدوى أبوالعلا
ليست هناك تعليقات:
إرسال تعليق