الشاعر الكبير محمد بدوي أبو العلا تكتب قصيدة ذكرى ..ذكرى تحياتي

ذكرى ذكرى
***************                             
سيبينى إبعدى وهاجرى
زى ما تتمنى ومايحلى
ها اكمل طريقى ولوحدى
بس سيبى مابينا ذكرى
ماتتنسيش ولو تتنسى
عمر الزمان أبدا ما ينسى

ولو تنسى إنتى وتقدرى
عمره ما ينسى بينا ذكرى
ناحتها على سوره بدمى
ومهما الزمن يمد الخطى
وتنسى إسمى حتى شكلى
وأتوه من بالك ذكرى ذكرى

واللى بعدى هايبقى منى
جرح قلب عمره ما يهدى
مش بإيدى أو ملكى قلبى
ولا كلمه بتوديه ويرضى
بنيت بإيدى قصرك بقلبى
واللى بيكى قلبى اكتفى

كنتى نبضى كنتى روحى
كنتى عمرى اللى إبتدى
كنتى عقلى حتى نبضى
ليه كل شى بينا انتهى
ع القلب دوسى وأجرحى
بعد ما النبض فيه ابتدى
إمشى وسيبينى وانسى
وعالطريق عدى الخطى

ومش هانسى مهما تنسى
والنبض اللى فيكى إبتدى
أرحلى على أد ما تقدرى
وامشى الطريق للمنتهى
وهايمسح الزمن خطاكى
لو اتبعثرت قطرات الندى
دوسى على جرحى وامشى
خسارة عمرى اللى انتهى

م/محمد بدوى أبوالعلا