الشاعرة الاديبة راوية حسن تكتب قصيدة لما جيت أكتب عن أمي تحياتي

لما جيت اكتب عن امى
اكتب ايه
اكتب عن خوفها عليه
لما اغيب او اتأخر
لما اتعب او افكر
ينشغل بالى وفكرى
لكل حالاتى تقدر
اكتب عن فرحتها بيه
لما انجح او اسيطر
لما الدنيا عندى تنور
لما الورد حواليا يفتح
ويتلون او يزهر
اكتب ايه عنك يامى
سؤالك عنى يوماتى
واستماعك حتى لسكاتى
اكتب اقول امى هديه
هى من ربى عطية
هى اغلى حاجه ليا
اجمل صوره وفى عنيه
قلبها ده حضن دافى
عمرها لينا ده كافى
حبها لينا ده وافى
يكفى الكون بحاله
اكتب ايه عنك ياامى
امى دى خط احمر
حبها عمره مايتكرر
مهما حتى عمرى يكبر
حفضل انا فى قلبها
دايما ابنها الصغير
امى دى عمله نادرة
على حبنا هى قادرة
كنا واحد ولا عشرة
قلبها يساع الكون بقدرة
اكتب ايه عنك يا امى
اكتب اقول ولا فى فحنانها
دى الجنه حتفتح ببانها
كل باب مفتوح عشانها
ولاحتى معنا كلامها
ده الكلام منك ياامى
كل كلمه حلوه بيانها
حكتب ايه عنك ياامى
طول عمرها شايله همى
تنام وتصحى شاغلها امرى
وانا مهما عشت عمرى
مش حلاقى زي قلبك ياامى
قولوا لى اكتب ايه عن امى
~~~~~~~~~~~~~~~
راوية حسن