حروف قلم مكسور .بقلم عمر جميل

عمر جميل

‏

حروف قلم مكسور
.....................................
كل يوم بكتب حاجات
جرح وأهات ودموع ساعات
قول أنتيكات ولا ليها قيمة
ولا فيها أكشن ودى فاشله أصلا
ولا نافعه حاجه ولا حتى سيما
صفحات هباب من غير عتاب
بوجع فى قلبي بحكى ف سراب
بطلنا نكتب هنبيع حاجات ولا ليها قيمه
تقدر تقول كراكيب وخردة وحاجات قديمة
مين يشترى عشق وغرام
عطف وهيام وحاجات غريبة
وقلوب تحب مليانه طيبه
هلغى الكلام ودا كله عيبه
ونبيع دا كله كدا بالزكيبه
مين يشترى قلب بغلاف
ومعاه لحاف دفيان بخيبه
مين يشترى نبض بعاهات
جسم ونحيف يشكى الآهات
مين يشترى إخلاص... دا كان
قتله الزمان وخد معاه حتى الأمان
مين يشترى الحب فى أنفاسه الأخيرة
مين يشترى الأفراح ف قلوب مليانه حيره
قرب ياسيدنا البيه قرب وبص وشوف
معدش فيه متخبي بقى كله عل مكشوف
وهتلاقي كله جرئ ولا تلقى فيه مكسوف
مين يشترى صفحات وكلام بقي معروف
وحروف قلم مكسور فى مغارة بقى محدوف
.............................................................
تحياتى...بقلم عمر جميل