( قصيدة ومات شاعرها ) :
قصيده ومات شاعرها
قبل ما تكمل أبياتها
يادوبك لملم حروفها
مات يا عينى وفاتها
لما قريت الكلمات
لقيتهم تلت ابيات
الاول عن اللى جى
والتانى عن اللى فات
والتالت ما كملهوش
ما لحقشي يا عيني ومات
عينى عليك يا ولد
كتبت كتير وقليل
فى الحب والفرح والجرح
غنوها فى المواويل
ولما كتبت عن نفسك
يادوبك تلت ابيات
قبل ما تكمل حكايتك
عمرك كان عدى وفات
بقلمي الشاعر جمال زكي عينر
ليست هناك تعليقات:
إرسال تعليق