امى
**********
سألونى على اغلى حاجه قلت انت
لانك انت امى واختى وكمان بنتى
انت اللى شيلتى وكبرتى وكمان تعبتى
انت الحنان والمحبه انت اللى اختارتى
وانا حته منك زى ماانت ياامى قولت
قلت انى قلبك وانى عقلك انت اللى صونتى
ولافيش فى الدنيا حد زيك مهما بعدتى
انا اتعلمت كل حاجه بفضلك ياحبيبتى
هانت عليكى راحتك عشانى لما كنتى
وبتسهرى طول الليالى عشان راحتى
وفى عز البرد كنت تراعينى ياما قومتى
وان غبت عنك مرة تقوليلى فين كنت
يااغلى اسم واحلا معنى ياريتك دومتى
بعدك خلانى طفل تايه ياريت ماروحتى
وده مش بايدك ولابايدى ولايوم هنتى
فاكراكى دايما ولانسيت لحظه ايه عملتى
عشانا كنت بتدعى ربنا يباركنا وصومتى
وفى سجودك ياما بكيتىى عشانا ولاسكتى
وتقولى يارب بارك لى فيهم دول تحويشتى
تخافى علينا من الهوا وتقولى احمى ياربى
انا كنت بتونس بيكى روحت وفارقتى
الاقى مين من بعدك يدعيلى فى غيبتى
ويخاف على اولادى زيك ويقولى تاخرتى
ولا كلامك ليه الصبح وانا ماشيه يوماتى
عمرك ماقلتى ليه ابقى معاكى هاتى
دايما عامله حسابى وشيلالى حاجاتى
وكل مااقولك خلاص كبرت وافضل اهاتى
لاكنتى تسمعينى ولايعجبك حتى سكاتى
تقوليلى عشان بكرة لما افوتك تحسى بغيابى
والله من بعد غيابك تعبت ومعروفه اسبابى
وهى انك بعدتى عنى ومن بعدك مادق بابى
وبالى انشغل وقلبى أتوجع يااغلى احبابى
البسمه خاصمت شفايفى ولاحد حس بغيابى
ولاعاد لى صديق لانك كنت كل اصحابى
امى انت اجمل نعمه انعم بها ربنا عليه
امى يااجمل لحن اتغنى واجمل اغنيه
امى ياست الكل انت يااغلى هديه
هدانى بيها ربى وانتى اغلا عطيه
فى ايديكى عطر الورد وفى نظرتك الحنيه
وبسمتك دوايا ياامى بيكى مرضيه
ولما أحس بالبرد حضنك ده دفا ليه
والشمس أن حرها طالنى قلبك يضلل عليه
وان داقت بيه الدنيا بحنانك تبقى مقضيه
والله ياامى مافى زيك انتى ياوردة نديه
بتفرحى قلبى دايما لما بشوفك الصبحيه
الورد ده بيغير من عطرك انتى يابهيه
فى عيونى دايما جميله واصبى من اى صبيه
لوجونى ياغالية وخيرونى اختارك انتى ياعنيه
رسمت صورتك فى قلبى واديهولك هديه
لانى حته منك وانتى كلك ياامى ليه
****************************
*راوية حسن*
ليست هناك تعليقات:
إرسال تعليق