تغير الحال
------- د.صالح العطوان الحيالي. العراق
الفار يخاف من القط
القط يخاف من الكلب
الكلب يخاف من صاحبه
صاحبه يخاف من زوجته
زوجته تخاف من السلطان
وهسة صارت كلها بالمقلوب
الجاهل صار سيد ربعه
والمثقف كعد بالزوية
الحرامي يلعب بيها لعب
والحر شغلته يلعب جوبية
والأسد مجروح
واشتغلت الوضع الواوية
وتحس نفسها ذياب صارت
وتسوي حفلات ليلية
و الحرامي كان يسرق بالليل
وهسة يسرق ضحوية
والزوري تخيل روحه مثل الحوت
وصار يكدر المي يومية
والزرزور ظن نفسة صقر برية
والشواهين والعقاب والنسور هاجرت
والعصافير تحوم ليلية
القط غاب
والفار والجرذي
مسوين حفلة ليلية
والاصيلة ساكته
والكديشة تصهل ليلية
الملح ماعاد يغزر
يخونك لو ترة تطعمه ليلية
دلتنة ما بيها كهوة خير
وكمنه اندير خمر والبيرة غربية
ليست هناك تعليقات:
إرسال تعليق