قصه الشهيد البطل
أحمد صلاح
3/2/2020
*******
ألو. ألو ألو
الشبكه يابطل
دا الطبيعى فى بلدى ثوانى
سامعك
أسفين يابطل نستأذنك
تقطع أجازتك زميلك عنده ظرف
أوامر
******
سافر البطل وغادر
عالاراضى الطاهره سينا
سافر البطل وسايب
كل كلمه جميله فينا
وصل البطل لسينا
وقال ياسينا جه رمادك
فى الكمين واقف بطلنا
وسط زملا ووسط قائد
الكلاب الخاينه هجمت
وفى زمايلو كتير وصابت
فضل البطل يدافع
فى الدبابه والمدافع
عينه لمحت يوم زمايله
بالبطوله الواضحه عنه
يسحب الزملاء باصابه
أصبح الطلقات كتيرة
والكلاب كترت فى غابه
واتغدر ببطلنا منهم
رغم انه عينه منهم
والخبر جانا فى بلدنا
صدمه عاشها اليوم شبابنا
عيشنا ليله يناس غريبه
صدمه ظالمه كمان رهيبه
إذن الفجر فى يومها
بلدى بتجهز هدومها
جاهزه هتودع شهيد
يوم جديد لاكن غريب
وانتظرنا بطلنا ييجى
كل عايش وفى ذهول
نادو قالو يناس شهيدنا
جه على حدود الباجور
جالنا شرطه كتير بلدنا
المباحث والمطافى
لا ورجاله المرور
إنتفاضه وفى بلدنا
صدمه لينا ولولادنا
الشباب واقف بيبكى
والجميع للرب يدعى
وأمه قصه تانيه خالص
صدمه عاشت بيها يومها
قولنا ليها كلام كتير
قولنا افتكريه بخير
قولنا كان بينا أمانه
بالتزامه عاش معانا
إفرحى يأم الشهيد
ابنك عنده اليوم دا عيد
قولنا ابننا بطلنا
فى الجنه هيكون سعيد
والشهيد وصل بلدنا
وابتدينا خلاص حدادنا
الجميع هنا فى انهيار
المحافظ والمدير والمحامى ومستشار
كله ذاكرك يابطلنا
انك انت ابن بار
كله فى الجامع بيدعى
يابطل فى قلوبنا نار
كله ماشى فى الوداع
ياشهيد مع الابرار
لا إله إلا الله
الشهيد حبيب الله
كله بيقولها بقلبه
كله ماشى الحزن عنده
والصحاب هنا منهارين
كله عارف انت مين
انت بينا جيت رساله
كنت فارس كنت حاله
كنت درس وبأمانه
والجنازه إنتفاضه
والاهالى جوه بلدى
مزهولين وبغرابه
روحنا عالقبر اللى ليك
اب فى انتظاره ليك
والمحافظ جه لعمك
قال أمانه وفى رقبتى
عمر مانفرط فى دمك
قال لعمك اسم ابنك
فى البلدى يكون مخلد
قال قرارى بكره جاهز
وبشهاده قالها عنك
قال خسرنا اليوم شهيد
قال دا فارس كان جديد
قال شهيدك يابلدنا
عاشها بطل من حديد
الشهيد كان اسمه بينا
اللى عارفينه فى زمنا
ابن سينا اسمه رماد
جالنا منك درس قاسى
جه يفوق فى العباد
الشهيد كان نور مابينا
ندعى ربى باعديه يعينا
الشهيد ساب100 رساله
عاشها بينا وكان دا حاله
علمو الأطفال قلولهم
فيه شهيد فى بلدنا منهم
علموهم انه ضحى لأجل
انتو تعيشو فرحه
علموهم وإشرحولهم
فوقوهم للزمان
عرفوهم ان فيه
عدو خاين وكمان جبان
عرفوهم بطلنا راجل
لا وأعظم الرجال
واعلنو فى بلدى باسمه
واكتبوا عنه فى كتاب
عرفو الناس ببطلنا
هو مثل للشباب
ارفعو اسمه يابلدى
فى كل خير بين الشباب
اعملو باسمه مسابقه
قولو انه من الشداد
إحنا من بلد الشهيد
هندعى كل يوم جديد
وهنفتكر يابطلنا انك
وفى بلدنا أعظم شهيد
الوداع ياشهيدنا احنا
للبلد جاهزين بروحنا
وفى انتظار لو يوم اشاره
إحنا جاهزين وبشراره
وعمر ماهننسى حقك
وبكره هنزيل الستاره
وكل ارهابى خسيس
بكره دمه يكون رخيص
ياشهيدنا نام فى جنه
وعالامانه الله يعينا
تحياتى /
مدحت لطفى عبدالعال
ليست هناك تعليقات:
إرسال تعليق