اه يازمانى
*********
اه يازمانى لو ترجعلى يوم
وتشيل عن قلبى كل الهموم
وترجعلى ضحكتى من تانى
ويرجع بينا الزمان ويدوم
اه يازمانى لو ننسى اللى كان
والحزن يبطل يخبط ع البيان
والفرح يرجع تانى لقلوبنا
ونرجع نحكى زى زمان
اه يازمانى لو نقرب حبه
ويتجمعوا من تانى الاحبه
ونرجع مابينا الماضى الجميل
اللى كان مالى قلوبنا محبه
اه يازمانى ليه تقسى علينا
توجع قلوبنا وتبكى عنينا
فرق مابينا الزمان وبعدنا
وخلاص فارقنا ناسنا واهالينا
اه يازمانى ليك العجب
فرقت مابينا من غير سبب
وبعدت مابينا المسافات
ولاكان بايدينا ولالينا ذنب
اه يازمانى جنيت علينا
وسرقت الفرحه دى من عنينا
بكت قلوبنا ماقولنا توبنا
وليه نتوب عن نبض فينا
***********************
*راوية حسن*
ليست هناك تعليقات:
إرسال تعليق