#قطرالفراق
الليل ركب قطر الفراق
وزّع نجومه ع الكواكب و انتحر
يا هلترى الفجر اللي فاق
هيقيم عزاه
و إلا هيدفن دمعته ف قلب الحجر
لسه الطريق في أوله
و الحلم واصل منتهاه
طماعة يا قلوب البشر
متعشمة تخدي من الدنيا ابتسام
و الدنيا واهبة الكل آه
و تقول قدر
هي الحياة
غصبانا نعكس لتجاه
نشبع ملام
و ندور في دايرة دايرة فوق جبل النجاة
محفوف طريقنا بالخطر
قطر الفراق فوق القضيب اللي انكسر
يا هلترى القلب اللي تاه
لساه غريب و إلا وصل
#الأم_لولو
ليست هناك تعليقات:
إرسال تعليق