سمعنى كلامه
******************
سمعنى كلامه وقالهولى
اغلى من الذهب واللولى
وحلفلفى انى اللى فى قلبه
وكتبلى كلام وبعتهولى
معقوله كلامك ده عشانى
وانا اللى فى بالك بتهوانى
معقول ده حقيقه واصدق
والنبى ده انا امى دعيالى
راح اصدق انا كل كلامك
بكره تثبتلى ايامك
اللى انا راح اعيشها وياك
دى حقيقه ولا فى احلامك
قالى كلامه الحلو الغالى
ولاكانش يخطر على بالى
ده كلامه ده شهد مكرر
راح اقوله دايما فى موالى
ده كلامك والله على كيفى
بتقوله اما بتلمح طيفى
لاسمعت قبله ولا بعده
تتكلم اقولك ياكسوفى
كلامك ده غالى عليه
بيوصفنى وبيمدح فيه
اتكلم قول وسمعنى
كلامك والله جوه عنيه
الكلمه اللى تقولها حكايه
بفضل ارددها جوايا
واعيد فيها وازيد فيها
واروح وابص فى مرايه
لما بتتكلم وبتوصفنى
بحس انى بيزيد حسنى
وبحس انى اجمل واحده
وبقلبك انت اللى تشوفنى
اتكلم قول اللى فى قلبك
واوصفلى كمان مقدار حبك
اتكلم قلبى بيسمعلك
وعنيه اللى بتحفظ صورتك
# راوية حسن #
ليست هناك تعليقات:
إرسال تعليق