على الربابه
دقي وقولى يا ربابه
ناس كثير يا عيني غلابه
عايشين وسط الديابه
واحنا عايشين فى غابه
دقيى يا ربابه
الفقير ليه حظه ضايع
يمشى يبكى وسط الشوارع
نفسه يفرح حتى يوم
نفسه يوم ينسى الهموم
كل أحلامه قليله
نفسه ينسى الحزن ليله
دقيي يا ربابه
علي أوتار الغلابه
على دنيا كذابه
القلب عاش حزين
يشكى الظلم لمين
ياربالعالمين
داوى جروح الغلابه
ودقيى يا ربابه
عايش مستخبى
ورزقى على ربي
والكل ليه قاصدنى
ليلاتى بيعاندنى
عايز يشاركنى رزقى
ويقول كتيرريا غالي
يا حياه مليانه آه
وهموم طول الحياه
روح يا حزن عنى
كفايه جرحت قلبي
مش قادرأقول سماح
دقيى يا ربابه
علي صحبة غدارين
كانوا منى قريبين
دلوقتى راحو فين
دقي يا ربابه
على الأهل والأحباب
اللى سقونى العذاب
كذاب يا زمان كذاب
ما حد دق الباب
ولا لوم ولا عتاب
ولادمعه كذابه
دقيى يا ربابه
على قلب حب وباعنى
طلع بيخدعنى
وضحكته كذابه
اشتريته بالغالي
عودنى سهر الليالي
أمرته على قلبي❤
أمنته على حبى
ضيع معاه عمري
وجروح
كتير يابا
دقيى ياربابه
بقلم محمدكمال مسلم
شاعرمصر
ليست هناك تعليقات:
إرسال تعليق