قصيده جديدة
(زهرة بستاني)
أول كلامي اسم الله يحميكى
يا زهرة ساكنة ف قلب بستاني
على بالي مش بنسى ضيا عنيكي
بالرغم من بعدك على بعادي
بقطف لطيفك ورد واهديكي
رغم العناد والهجر في دمك
بركان مشاعرك هادي ع الهادي
حاسس بتنهيدتك أوي
رغم ان عينك مني بتداري
قالولي غيرتك قاتلة وبتدبح
كدِّبتُهم .....
إزاي دي حفظاني
معقوله غيرة بجد
ولا ده كلام عادي
عقلك كبير والفكر فيه آيه
إزاي يصدق قُول ملوش غايه
بس الهوى غلاب أنا عارف
غيري عليا زي ماتحبي
غيرتك عليا وقمصتك
دايما بتحلالي
بس اوعي يوم ألاقيكي بـ تشُكي
ف اخلاصي .......
متفكريش إن البنات حواليا ملمومة
دي اللمه أصل بتبقى كدابه
يمكن زمالة ومعرفة جامعة
أو شبهيها أخوة لو ينفع
أرجوكي إوعي تفتحي باب للشكوك بينا
أنا مش هوايتي اللعب واتسلى
الشك مر ونبتته شْطاني
ومالوش دوا وصاحبه بيعاني
الكبرياء حافظي عليه وامحي
غيرتك بطعم الصدق واستهدي
أنا قلبي فيكي صلى واستسلم
وعنيا تِحرم لو تشوف غيرك
ليست هناك تعليقات:
إرسال تعليق