كل واحد مننا له حلم بيحلمه
والحلم موجه بتنفردبين ضفتين
وبحلم مره أكون
شيخ جامع واقف على منبر
والناس عماله بتبص
شيفانى وكأنى صحابى
جاى من عهد النور للطرش
وكمنى لابس عمه وقفطان
بتمخطر وأقول ياسلام
مين زيي،
الناس فى الرايحه وف الجايه
تضرب له سلام
حضرة شيخ الجامع راح
حضرة شيخ الجامع جاى
تيجى الناس فى البهو ابتاعى
احكيلهم عن نفسى
وعن أخطاء الناس التانين
وكيف أبقينا محتلين
ف بيوتنا وبلادنا
زي البوسنه وفلسطين
وطلب من كل الحاضرين
أن الدين علمنا نجاهد
وسامح بعض
لأجل مايجي يوم
نتلم
مع أني قالوها في الامثال
لايمكن نتلم غير في الهم
والهم اهو هم
وساب في بلادنا بحور الدم
ليست هناك تعليقات:
إرسال تعليق