قطر الصعيد
♡♡♡♡♡♡♡♡♡♡♡♡
ابكى ياعينى على اللى راح
والقلب بقى مليان جراح
قطر الصعيد ياقطر موت
عديت على قلبى بسكوت
وخدت من الشباب كتير
راحوا ولا حد سمعله صوت
ماهو الفقير ان عاش ومات
عدى على الدنيا من سكات
هو امرة يهم مين
ابكى ياعينى على اللى مات
خلف وراه فى قلبى جراح
ابكى ياعينى عل اللى راح
صابنا العطب من كل لون
ولاعاد فى مسا ولاصباح
والكل قاعد ينعى الشهيد
اللى انكتب عليه يعيد
نفس المشاهد من جديد
وكل يوم قطر يطيح
ياخد معاه يجى كام وليد
ابكى ياكل الامهات
ابنك فى غفله راح ومات
وتعالى يالا لمى الرفات
وعزاكى فيه مابينتهيش
مش مكتوب له انه يعيش
مش مكتوب له انه يعيش
♡♡♡♡♡♡♡♡♡♡♡♡
راوية حسن
ليست هناك تعليقات:
إرسال تعليق