ومساء الضحكه الحلوة وحلقة جديدة
من رباعيات ( سي عبدالمتعال وعطية الإرهابية )
الملحمة الثانية .. :
( زمان ياحب )
.
وكل ما افتكر زمان
اما كان يسمعني كلام
ولا نزار في قارئة الفنجان
ونار ياحبيبي نار
والله زمان ياعبد المتعال
فين قيافتك وهدومك
المكويه
وجمال خطوتك في
الروحه والجيه
وطل من الشباك بيلم
من الحبل هدومه
ياريتني ماوعيت
ساعة ماسبلي عيونه
وكانت حكاية غرامي
دبلتين وكنبه ونمليه
وجتها نيله الي تقلي
اشهقي واتمني امنيه
وانتي بتعملي التقليه
اصل سرها باتع دي
الملوخية
بلا حب بلا بصارة
وشوية دقه وبصلايه
ورضينا بالهم يمه
والهم بلا نيله
قال ايه مارضيش بينا
وتوته توته وخلصت
الحدوته
وشاكيرا بتمسي عليكو
وعبد المتعال بيلف
الصينيه
وحجرين ومَزه وطبليه
وعجبي 
بقلمي
نونا محمد
ليست هناك تعليقات:
إرسال تعليق