محمدالبريمى يكتب قصيدة سلامتك

 شعر غنائى ..

((( سلامتك ))) 

سلامتك  يا غاليه الغاليين   .. شغلتى  فكرى و بالى ..

ياريتنى  كنت  بدالك .. كان أهون عليا م اللى جرالى ..

أنا بأتعب قوى على تعبك .. و بتألم كتير لألمك ..

قلبى حاسس بلى ف قلبك  .. ياريتك تبقى ف يوم  حلالى ..

         سلامتك يا غاليه الغاليين

كنت أخاف عليكى من نسيم الهوى .. و أعملك الطيب المداوى ..

و أهيألك  دروب السعاده .. و أخلى لياليكى أفراح و غناوى ..

لو قلتى آه أقول معاكى  آهين .. و القلب يحزن قبل العين ..

و الشوق يكتر مع  الحنين .. و كل ده عندك ك م يساوى  ..

          سلامتك غالية الغاليين

صعبانه  و الله عليا .. و مأثر فيا بعادك ..

ياما نفسى  لكن مش قادر .. أوصل إزاى لبلادك .. 

دا يبقى يوم المنى و عيدى .. لما تحطى إيدك إيدى  .. 

و  نبض قلبك يجرى ف وريدى ..  و أسألك ع اللى ف    مرادك ..

        سلامتك يا غاليه الغاليين 

بقلم الشاعر ..

محمد البريمى ..