هاتي دموعك كلها
واكتبي اوجاع للزمن
وهاتي اهاتك
اخرجي يلا من سكاتك
أن الأوان كشف الحساب
يلا وريني التمن
------------------------
تفرق كتير وحدتك
عن لمة الاحباب
تفرق كتير
ان تعيش باقي حياتك عذاب
وانك تبيع كل اللي عندك
وزي ماقال الكتاب
كله سلف ودين
كل واحد وله حساب
يوم ليك
يوم عليك
ولو علي الندم هتندمي
ولو علي الوجع
اتعلمي
افهمي
فرق كبير بين الندم
والالم
وانه يكون بينا عتاب
هو يعني عشان نعيش
لحظة غرام
نعيشه انتقام
ولا عشان حبة محبة
نهجر كل يوم احبة
ونعشق غياب
صعب انك تعيش علي الارض
وكل حلمك
انك تطول حلم السحاب
انك تعيش يومك لقيط
حلمك عقيم
ولو كنت فاهم انك حويط
تبقي ياصاحبي
لامؤاخذه عبيط
احمد عبدالحق
ليست هناك تعليقات:
إرسال تعليق