خواطر غنائية بعنوان ( 
عايز اقول )
أنا عايز أقول لك حاجة
أرجوك متكلمنيش
قاعد بالساعة أعاني
وانت مبتسألنيش
إزاي في الدنيا حبيبي
والحب في قلبي يعيش
والكره أنا بعته خلاص
وفي قلبي الكره مافيش
وبدون حوارات وتعصب
أرجوك ارحل متجيش
كنت حبيبي في يوم
لكن النهاردة مافيش
زمان انا كنت حبيبك
لما كنت ميسور
دلوقتى بتبعد عني
ويادوب عايش مستور
حبيبي ياأبوقلب طيب
أنا طبعي أحب الناس
في غيابك جنبي قريب
وفي قمة الأحساس
في ناس غراها الدنيا.
وناس بتبيع في ثانيه
دنيا وطحنانه ليه
كام قرش وكام جنيه
وناس صبحت ديابة
وناس عاملين غلابة
مش عارف أعمل إيه
غير إنى أقول يارب
سلمت الامر ليك
نجينا من كل كرب
وشوش نفس الوشوش
وناس بدون رتوش
وناس علي ناس تدوس
وناس ناهبة الفلوس
فاكرين الحياة باقية لهم
ولافيش ع الحجر غيرهم
كل اللي يفور يغور
في مشهد في طابور
هي دامت لمين
ماضاعت الملايبن
بقلم محمد عباس
الاسماعيليه . مصر
ليست هناك تعليقات:
إرسال تعليق