الشاعر القدير نبيل عبد الحليم يكتب قصيدة اكتب ياقلم المحررة شام

(اكتب ياقلم )
اكتب ياقلمى وبوح
واسرد بقى الأسرار
كفايا عليا نوح
ودمعى يملى انهار
قاسيت  انا  ع الروح
تعبت من المشوار
اكتب
واسرد
واشطب
وأمسح
بس حاكينى
دا القهر مالينى
كاتم دموع عينى
اكتب انا إنسان
ع الفرح والاحزان
فرحى انا عيان
متحمل الأحزان
اكتب يابو الجدعان
وإبداء بالعنوان
مع خلفى حظى مال
قلوبهم حجر صوان
ايووووووب
يابو الصابرين
جيبت الصبر منين
البياعين قافلين
صابر بقالى سنين
احنا مش عاجبين
البر نلقاه فين
طبع العيال بقى شين
عملت كل الزين
على راسى شلت الطين
وكل الولاد عاصين
اكتب سكت ليه
نفد حبرك ولا ايه
قولى انا اعمل ايه
علمنا وعلينا
وتعالوا علينا
وياما شاقينا
من القهر غنينا
رابط حزام ع وسطى
نكبر سند ظهرى
وكان سبب قهرى
فى الاخره نافانى
وسابنى وحدانى
جوه جدر انى
اكتب عن ولاد الجيل
طفح معاهم الكيل
نهارنا كله ليل
حياه كلها مواويل
ساقونا مرار الويل
نطق القلم وأتكلم
اسمع ياحاج معلم
كلامى راح يوجع
جواك ااأااه توجع
ع الخيبه مين يرجع
كلامى راح يوجع
انا حيلى عليك مشدود
بتبني ف امل مهدود
من يقرا ومين يسمع
ياعم القلب اكتب
اللقمه انا تعبان
ونشرب مرار الكأس
وهما مافيش إحساس
غيثنى ياغياث
خلاص نفد صبرى
احشرنى فى قبرى
كفايا انقطع جبرى
بقلمى نبيل عبد الحليم
ابن ابو حمص
30/3/2020

وبالوالدين احسانا