(فتى أحلامك)
بقلمى الشاعر/ محمد غبن
شاعر آل غبن
14/5/2020
عارف إنى مكنتش فى
يوم فتي أحلامك
ولا حاولتى تتأنى شويه
وتعيدى كل أفكارك
تسألى نفسك وقتها مش
جايز يكون سندك ورسمالك
عكازك فى وقت ما العمر
يعدي وتسرق الدنيا شبابك
ممكن يكون ربنا باعته
ليه تقفلي في وشه بابك
مش شرط يكون النصيب
مع اللى كنت رسماه حبيب
ممكن يتولد حب من نوع
تاني مخلص مع العشره وقريب
خلينا نتعامل شويه
بمنطق أكتر ولغة العقول
واللي بنظلمه دا يكون للحياه
عاقل صاحب فكر ومسؤول
الحياه بتحتاج إنسان يعرف
يتعامل معاها وقد الصعاب
بلاش نفرح بلغة الهيمنه
وهنتحمل مش إحنا أحباب
الكلام حلو قوي وجميل
لكن وقتها هتعيشوا ف عذاب
الحب ساعة المشاكل بيبلغ
فرار بيهرب م الشباك قبل الباب
لازم نعرف من جوانا إن فيه
نصيب ودايما هوا اللي غلاب
وان فيه حياه وعيشه
وكون عايشين كلنا فيه
إصنعى فى اللي جايلك بكره
يمكن هوا اللي كنت هتلاقيه
قد الحياه صاحب قرار
حنين وهيسكنك فى عينيه
صدقيني ممكن يكون الحب
الخفى وإنت اللي هتحتويه
مش إنت شيفاه عاقل
بجد ممكن تندمى لو سبتيه
مش بفرضه عليك فكرى بلغة
العقل في اللي هيقولك عليه
ليست هناك تعليقات:
إرسال تعليق