خواطر بعنوان : ( احلى ابتسامه )
الف 100مليون سلامه
يا صانع احلى ابتسامه
وزارع فى القلب شامه
اسم طيب صيت وهامه
محبوب وعنوان الامانه
لما كل الناس تبادلك
حب مخلص او شهامه
هى ميزة او وسامه
ذكرى حلوة و علامه
لما اشوف البسمه افرح
كل ساعه بعدى مطرح
والاالاقى ثمار بتطرح
شخص زاهى وكله نور
والجمال ده جمال شعور
وفى حياة الناس بدور
شمس ضله وتبنى سور
لما مصالح الناس تدور
بدون زحمه اوطابور
هى ناقصه قهر جور
وانتظار وسداد مرور
مش كفايه فيروس كورونا
اللى خلى الارض بور
اللى خلى الناس حزانا
اللى خلى الصبح ليل
وقف حال للناس وويل
ازمه محنه ظلام طويل
لما تمشى غرور وميل
اوتدوس ع الناس بخيل
اسمى من كل الضياء
ابهى من كل الوفاء
نور يشع فى السماء
رمز مخلص للعطاء
دعوة من صايم رجاء
كفايه حب الله نماء
يارب زيل عنا البلاء
يارب خفف عنا الغلاء
تعود حياتنا للضياء
رافعين ايدينا للسماء
... اسمى من كل المعانى
لماتوصف شخص غالى
كفايه انه مش انانى
مكانه ديما يرج عالى
راعى حال الناس وحالى
وفى عيون الناس مثالى
كلمه حلوة من عيونى
تمحى فكرة من ظنونى
ناس تحبك زى اخوك
ناس تطبطب زى ابوك
ناس تضمك ناس تشيلك
ناس تشيلها فى عيونك
ناس تضحى عشان تصونك
ناس تقول عنك وليك
من زمان ساندين ايديك
لوتغيب تسال عليك
ناس قلوبها طاهرة عفيه
عمر يوم ماالكلمه جافيه
وتدعى ربى الخير يجيلك
ناس وصافيه قلوبها دافيه
كنز حب جذوره راسيه
اى موقف وقت شدة
جنبك منك كلمه واحده
شمعه تنور كل وحده
هى دى احلى ابتسامه
بقلم محمد عباس معلم الاسماعيليه
ليست هناك تعليقات:
إرسال تعليق