كان لازم .....
الشاعر :عاطف محمد
كان لازم أحبك اكتر
وابات الليل سهران
ابنيلك كل جسور
علشان ماتخطى عليها
توصل لابعد أحلام
مايصحش كنت أنام
كان لازم يبقى العشق
له ألف سفينه ومينا
ومدينة مالهاش آخر
مليانه جناين شوق
مكتوب على طرف ورودها
أنا عاشق أغلى ملاك
وتبصى من الشباك
تلاقينى تحته باغنى
كلمات ماصادفش وجودها
ولا جت فى قاموس عشاق
معمولة ليكى وبس
كان لازم أقول وأقول
واغزلك عشق ف نول
واعمله فستان من ماس
واتقدم زى الفارس
واركع واقدمهولك
عشقى غير أيها عشق
هايدفى ف عز البرد
ف الحر نسايم ورد
وونيس مع أى مكان
كان لازم أبقى زمان
واكون روميو لجوليت
أو عنتر فارس عبله
كان لازم ماتعديش
لحظة من غير رؤياكي
كل شويه اتمناكى
واكون فارس لرضاكى
واسافر بيكى الدنيا
طلبك يجهز وف ثانيه
تبقى زى الملكات
تأمرى والكل ينفذ
كان لازم ف الحواديت
أختارلك فيها مكان
واحكيكى لكل الخلق
علشان ينقلوا حدوتك
وتلف الكون وتدور
زى القمر البنور
تتحكى مع كل عصور
يحكيها كل عزاز
أنا آسف أن فى حبك
ما قدرتش أجيب..... ممتاز
زوجك عاطف محمد الذى يفتقدك كثيرا
إلى سمية محمد نبض القلب
تحياتى
ردحذف