الشاعر الواعد أيمن شتا يكتب قصيدة مصنع احزان

 #مصنع_احزان

#كلمات_ايمن_شتا 

مكتوب على قلبي من برة..

 مصنع احزان..

 من كتر الجرح اللي انا شوفته..

 مش لاقي مكان..

 احزان من ناس انا حبتهم..

 ويامة زمان أنا ضمتهم..

وقت الحرمان...

بعوني لما اشتروا غيري

وقبضوا كمان

مكتوب على قلبي من برة..

مصنع احزان

... 

احزان من صاحب يوم بعني..

 آمنت إليه بس خدعني..

 جوايا الحزن مقطعني..

 وبموت يا زمان..

مكتوب على قلبي من برة...

مصنع احزان..

... 

احزان جوايا بالجملة..

والحزن وخدني كدا مقاولة..

دا لما ضحكت في محاولة..

 الدمع في عيني سبقني وبان..

مصنع احزان مفتوح على طول..

 وكأن الحزن في قلبي رسول..

من كتر الحزن بقيت مجهول..

وملامحي بتشبه الإنسان..

مكتوب على قلبي من برة..

مصنع احزان..

توكيل الحزن خلاص خدته..

من صغري والدمع عرفته..

من الايام واللي انا شفته..

بقيت انا مدمن للاحزان..

متعود بكرة يبكيني..

وامبارح بيخلص فيا..

وبموت مية مرة وتحيني..

 صورة أو دمعة في عنيا..

عايش وانا ميت من جوا..

 وتشوفني تقول مفيش قوة..

واحد يشبهني..

لكن هو.. متقطع من كتر الاحزان..

مكتوب على قلبي من برة مصنع احزان

....

ايمن شتا