=========
حبيبى غار عليا
مِ البوس فِ التعليقات
بيغير من الإيموشنز ..
من كل الملصقات
طب اعمل ايه ف كلامى
و حلاوة الأبيات
أنا واحدة باكتب شعر
و عندى معجبات
مش بس معجبين
من ده و ده ساعات
و القافيه لما بتُحكُم
بتغَيَّر العلاقات
بيعلقوا لى تحت
و انا جوَّا البلكونات !!!
غنِّيت كتير معاهم
أنا أحب الدندنات
لكن عشانك بس
أنا بارقص ع الصاجات !!!
يا حبيبى سيبك منهم
إنسَى كل اللى فات
أصل اللى فات حبيبى
مِتكرر فِللى آت !!!
و ان كنت شويه بَاسكَر
و ادخل فِ التخريفات !!!
إنتَ اللى فيهم أصل
و الباقى خزعبلات
أنا باهديهم إيموشنز
و أهديك كل الحاجات ... #بقلمى #سوزان_محمد
ليست هناك تعليقات:
إرسال تعليق