مش خايفه منك بقلم أحمد شاهين
بخاف عليك مش خايفه منك
وإزاى أخاف بالقرب منك
دنا كل عمرى بتمنى إنك
تقولها ليا واقول بحبك
بخاف عليك
مش كل كلمه قالوها عنى
تبقى حقيقه
أو أى نظره أو ضحكه منى
بتبان جريئه
كل الحكايه إنى باعيش
من غير عٌقد لا متلاقيش
وعمرى يوم ما استغنى
عنك
بخاف عليك مش خايفه منك
كل الكلام اللى سِمعته
ما تصدقوش
بيجيب ألام ولو فِهمته
ماتِعقلوش
طاوع هواك وعيش معايا
بلاش جفاك يِنهى الحكايه
دا انت اللى منى وانا اللى
مِنك
بخاف عليك مش خايفه منك
كلمات أحمد شاهين
ليست هناك تعليقات:
إرسال تعليق