(المسحراتي) كلمات /صبري حسين
(7)
مسحراتي
انا المسحراتي
معاكم يوماتي
اصحي يا نايم
وحد الدايم
يا مسلمين يا موحدين
كل سنة وانتم طيبين
مسحراتي
بتكلم من قلبي
كلام واصح في حبي
بذكركم وأذكر نفسي
بعمل خير يقربنا لربي
يا مسلمين يا موحدين
اياكم تنسوا حق الجار
افتكروا كلام النبي المختار
مازال جبريل يوصيني بالجار
حتي ظننت انه سيورثه
الجار له شان كبير في الاسلام
احترام الجار في كل الاديان
كنا زمان
نعم الجيران
اهل وخلان
كنا نتشارك في الافراح والاحزان
مفتوحة ما بينا البيبان
احلي ايام
كان الود والاحترام
التقدير بجد مش بالكلام
كان زمان
البنت والولد اخوان
العيبة ما تطلع من اللسان
لما ننادي لازم نقول ياعم فلان
كنا بنزور العيان
عمر ما في جار نام جعان
الكل شبعان من الرحمة والحنان
كانت جوانا روح الإنسان
الحب كان هو العنوان
للاسف جه علينا زمان
ماحد يدل علي عنوان
الجار ما بيعرف جاره
يمكن يكون ساكن قصاده
مافي حد بيشارك حد احزانه
الكل قافل عليه بابه
بالذمة ده اسمه كلام
عايزين نرجع زي زمان
الجار اقرب من الاخ
اول واحد يجري علي لما اقول أخ
عايزين نفتح كل الابواب
نرجع ما بنا الحب
نتبع تعاليم الاديان
الجار للجار
زي ماقالوا في الامثال
النبي وصي بسابع جار
مسحراتي
بنادي بقلبي
يا اهلي يا اصحابي
الجار للجار
مع بعض ليل ونهار
انا المسحراتي
علي الكل بنادي
لازم نرجع زي زمان
نتعامل بالرحمة والحنان
نرجع الحب عنوان
وقتها بس نكون من بني الانسان
اللي قال فيهم الرحمن
ولقد كرمنا الانسان
كل سنة وانتم طيبين
رمضان كريم
صبري حسين
ليست هناك تعليقات:
إرسال تعليق