قصيدة امى
امى حبيبة قلبى وعمرى
ده انتى البسمة اللى فى عيونى
حبك مالى الدنيا على
وحنانك ساكن فى جفونى
انتى لعمرى الكون وما فيه
انتى الحضن اللى مدفينى
انتى يا امى يا اغلى الناس
انتى القلب اللى بيحيينى
ده انتى الضحكة لحزنى وجرحى
دعوة قلبك بتخلينى
أنسى الخوف والحزن كمان
اصل دعاكى دوا بيشفينى
قلبك نجمة فى سما ايامى
وسعادتك فرحة على جبينى
بادعى ربى يبارك فيكى
وتعيشى فى نبضى وشرايينى
وتنورى دايما ايامى
ده وجودك بيحلى سنينى
ده وجودك بيحلى سنينى
بقلم فاطمة حسن
ليست هناك تعليقات:
إرسال تعليق