،،،،،،،،،،،،،،،. صباح الورد ،،،،،،،،،،،،،،،
صباح الورد يا منايا
ياسعدى وفرحى وهنايا
يا اجمل حاجه ف حياتى
تحياااااااااااااااااااااااتى
يانسمة شوق وضلايا
صباح الورد على عيونك
بشتاقلك حتى ف وجودك
يا أوفى منى ف وعودك
وأصدق منى ويايا
بحسك رحمه من ربى
وفرحه بتحيلى قلبى
بحسك نور بيلمسنى
ويهدينى ،، ويرشدنى
وحضن جميل يدفينى
ويسقينى حنان امى
وهبتنى كل افراحى
غيرتلى حزنى وجراحى
وكنت طيرى وجناحى
بطير وياك فى سمايا
بترسمنى مابين الحزن ضحكايا
ف اجمل قصه وروايه
وغنوه جميله بتخفف
انين دمعى وشكوايا
وضحكه شقيه بتهفهف
على صدرى ف سهرايا
عملتلى عقد من ضيك
وكيف أنا ممكن اوصفلك
ووفيلك حنان قلبك
وانا ف الحب مش قدك
ولا بحار اجيد العوم
ف بحر الشوق ولا زيك
سلام من روحى ببعتلك
يا اجمل شئ فى دنيايا
بقلم / هند الشيخ
ليست هناك تعليقات:
إرسال تعليق