(( بحب مصر )) بقلم سعاد المصرى

(( بحب مصر ))
مابين ارضك وسماكي
اهم عايشين برضاكي:
بحبك
و ما اعرفشي
اعيش غير فيكي
اقولك ايه يا ناسياني
ودايساني وعاملاني
بدون ضحكة
مهو انت الضحكة
والفرحة
ومن غيرك ما باضحكشي
وطول عمرى وانا ليكي
في اراضيكي
ولا مليت
ولا كليت
ولا يمكن تبيعي ف يوم
وتنسيني
و انا عمرى ما انساكي
و لا استغنى يوم عنك
يا كل الحب
واصل الحب في أرضك
وبيني وبينك
سر كبير
حب كبير
ما حدش يعرفه غيرنا
وأنت السر
وقلبى اسير
ما بين الماضي والحاضر
يا اغلا عندي من روحي
بحبك يا أمل روحي
وخايف قلبى لا تروحي
في دنيا صعبة العيشه
ما انا ابنك
وراضي بكل شيء فيكي
اقولك ايه
وما تخافي
ولادك اهم فدا ترابك
و فيكي هلال وصليب
وقرانك و انجيلك
ما هو انت الاصل
يا اصيله
وجميله ومحروسه
باحبك يا حبيبتي يا مصر
بقلم سعاد المصرى