فوق الجبل عم يركضوا الغيمات كلمات سلمان عمران

فوق الجبل عم يركضوا الغيمات
ويتسابقوا تتزيد هالغله ي
من فرحهم عم يعصروا الدمعات

فوق الجبل والسهل والتله ي
دريكيش صارت متل شي جنات
بين الروابي بصوم وبصلي
وبسوقها عم يسرحو الميات
بتشفي الألم وتشيل هالعله ي
وعادروبها شو كسدروا بنيات
فيها الجمال كتير متحلي
وقلوبنا شو دابت بنظرات
متل السحر بالعين متجلي
والصيف شو بيحلا بهالنسمات
جنة عدن بتغار يادلي
مشتاق امرق بس شي لحظات
واتذكر الأيام والشله ي
‏ ياما رمينا للحلا آهات
ودبنا بلحظة عشق للطله ي
وراح العمر محمول بالحسرات
عكفوف حزن وكلها أنات
وباقي شويي نروح ونولي
سلمان عمران