مش هلوم ولا هعاتب
هو ايه اخر العتاب
هيطبطب عليا
ويقول غصب عني
هيحتويني ويروي
نفسي بكلمه حلوه
لا ده بعدي وبعد
بعدي كمان
اصل مالوش في
المشاعر الجميله
والكلام الي بيجبر
اي خاطر
الي يخليني عشانه
باي شئ اخاطر
واتحمل عشانه
حتي لو في وسط النار
بالعكس كلامه كله
بيخليني افر وانفر
عايزه اصرخ بعلو
ما في من صوت
انا بموووووت
وبتخنق وبغرق كمان
مفروض علي من الي حوليا
ولا انا بسلبيتي فرضاك
علي نفسي
نفسي مره اخد قرار
واقلب الترابيزه
وانفد بجلدي بس
في طوق حديد
خانق رقبتي
الاهل بيعارضوني
ويقولوا لا للانفصال
بيدوا حق لنفسهم
يتحكمون في مصيري
بيعملوني معاملة القاصر
مع اني بلغت من العمر خمسين
هتقولوا خمسين وتفكري في انفصال
وليه لا السجين بيحلم بالحريه
حتي لو علي باب القبر
عملوا ايه ليا الأهل حسوا
مره بتعبي وحيرتي
لما كانت الدنيا تضيق
بيا والدموع تملي عيني وتجري
لما عانيت من الحرمان في كل شئ
وصلتني لحالة نفور وبعد عن كل الرجال
ماتت فيا المشاعر والقلب من قسوتك
مات ودأب ونصبت ليه العزا كمان
تعبت من مشاكلك والمناهده معاك
تعبت من الجري بسرعه
في سباق مع الايام
عايزه اعتزل كل شي واقفل علي بابي
مع سبحه وسجاتي واموت وانا ساجده
بس يا تري ساعتها الأهل
هيفتكروني بالدعاء
ولا كالعاده هينسوا
وتاخدهم مشاغلهم وحياتهم
والبيت والعيال
ويقولوا الحي ابقي من الي مات
ليست هناك تعليقات:
إرسال تعليق