( كفايه حزن ) بقلم الشاعر جمال زكي عينر

( كفايه حزن ) :
كفايه حزن يا جماعه
وعيشوا الفرح لو ساعه
كفايه الهم بكفايه
دي دنيا غرورة خداعه

عيشوا يومكم في بهجه وفرح
زيلوا همومكم وداووا الجرح
وعيشوا حياتكوا ببساطه
دي مش محتاجه درس وشرح
كفايه هموم وتعقيده
كفايه آهات وتنهيده
تعالوا نعيش في احلامنا
في دنيا كلها جديدة
بلاش تعيش في احزانك
وعيش الفرح لو جالك
وداوي الدمعة بالفرحه
بنفسك عدل احوالك
تلاقي الدنيا بتواعدك
وتغصبها تيجي لعندك
وتلويها وتطويها
وتبقى يا دوب على قدك
بقلمي الشاعر جمال زكي عينر