قرأت قصيدة لأخي الشاعر البدري زايد بعنوان ( قلبي الموجوع ) واعجبتني جدا ، فتذكرت على اثرها مشواري مع قلبي الموجوع واحداث عملية القلب المفتوح التي اجريت لي منذ تسع سنوات ، فقمت بنظم القصيدة التالية :
( قلب مفتوح ) :
قلبي وجعني ورحت كشفت
الدكتور قال ليه اتأخرت
لازم تعمل تحاليل كاملة
وتجيبهالي ف اقرب وقت
رحت عملت اشعة ايكو
ورسم القلب ف ذات الوقت
ورحت على الدكتور وريتو
بص وقاللي دي حالتك زفت
قلبي وجعني كتير على وجعه
م اللي انا شايفه وم اللي انا سامعه
الدكتور مش ممكن اراجعه
ده كلام طب اكيد بالظبط
لم اوراقي وقام حولني
علشان شاكك في الشرايين
قاللي اكيد شريان مسدود
يمكن برضه يكونوا اتنين
قسطرتين ورا بعض اتعملوا
علشان يعرفوا تعبي منين
في الآخر عرفوها ووصلوا
قالوا محتاج لدعامة واتنين
في المستشفى قعدت ساعات
لاجل اركب الدعامات
الدكتور بص لي واستغرب
قال مش نافع وقتك فات
قلت يا دكتور قوللي وبوح
ما تزودش ف قلبي جروح
قال محتاج عملية كبيرة
قلبك فيها يكون مفتوح
قلت يا دكتور افتح ياللا
كله بأمره وكله على الله
عمرنا م المكتوب ما حنهرب
ابدأ ياللا وقول اسم الله
وبعد اللازم والتخدير
والتمريض ودكاترة كتير
طبعا انا رحت ف غيبوبة
عملوا ما عملوا وسري ف بير
عدى كتير الوقت وفات
تسع ساعات في العمليات
مراتي وعيالي واقفين ع الباب
قالوا اكيد الراجل مات
خرج تمرجي وقال مبروك
كل الشغل تمام محبوك
قفلوا الجرح خلاص واتلم
شبكوا الشابك والمشبوك
بعد ما فقت وحجز رعاية
وعلاج خدت بكل عناية
وخرجت وروحت على البيت
كانت ثقتي بربي معايا
عدت كل مراحلي الخطرة
ربك رب الكون له قدرة
واداني عمر جديد من تاني
وحكايتي بقولهالكم عبرة
وانا قدامكو معافى سليم
بكتب شعر بقلبي واهيم
ربك يحيي وهوه يميت
يحيى العضم وهو رميم
بقلمي الشاعر جمال زكي عينر
( قلب مفتوح ) :
قلبي وجعني ورحت كشفت
الدكتور قال ليه اتأخرت
لازم تعمل تحاليل كاملة
وتجيبهالي ف اقرب وقت
رحت عملت اشعة ايكو
ورسم القلب ف ذات الوقت
ورحت على الدكتور وريتو
بص وقاللي دي حالتك زفت
قلبي وجعني كتير على وجعه
م اللي انا شايفه وم اللي انا سامعه
الدكتور مش ممكن اراجعه
ده كلام طب اكيد بالظبط
لم اوراقي وقام حولني
علشان شاكك في الشرايين
قاللي اكيد شريان مسدود
يمكن برضه يكونوا اتنين
قسطرتين ورا بعض اتعملوا
علشان يعرفوا تعبي منين
في الآخر عرفوها ووصلوا
قالوا محتاج لدعامة واتنين
في المستشفى قعدت ساعات
لاجل اركب الدعامات
الدكتور بص لي واستغرب
قال مش نافع وقتك فات
قلت يا دكتور قوللي وبوح
ما تزودش ف قلبي جروح
قال محتاج عملية كبيرة
قلبك فيها يكون مفتوح
قلت يا دكتور افتح ياللا
كله بأمره وكله على الله
عمرنا م المكتوب ما حنهرب
ابدأ ياللا وقول اسم الله
وبعد اللازم والتخدير
والتمريض ودكاترة كتير
طبعا انا رحت ف غيبوبة
عملوا ما عملوا وسري ف بير
عدى كتير الوقت وفات
تسع ساعات في العمليات
مراتي وعيالي واقفين ع الباب
قالوا اكيد الراجل مات
خرج تمرجي وقال مبروك
كل الشغل تمام محبوك
قفلوا الجرح خلاص واتلم
شبكوا الشابك والمشبوك
بعد ما فقت وحجز رعاية
وعلاج خدت بكل عناية
وخرجت وروحت على البيت
كانت ثقتي بربي معايا
عدت كل مراحلي الخطرة
ربك رب الكون له قدرة
واداني عمر جديد من تاني
وحكايتي بقولهالكم عبرة
وانا قدامكو معافى سليم
بكتب شعر بقلبي واهيم
ربك يحيي وهوه يميت
يحيى العضم وهو رميم
بقلمي الشاعر جمال زكي عينر
ليست هناك تعليقات:
إرسال تعليق