الشاعر الراقى أشرف السيد يكتب قصيدة ألوهات

 (  ألووهااات )

                   ( ١ )

           ( عامية مصرية)

.........................................

أنا كُل ما اطلب رقم كَنسل وراح مقفول*

فاضي و م السهوكة حاطط بريد مشغول *

والواطي يوم ما عِلي عامل وزير مسئول*

.........................................

ألوو معايا القمر ; قال القمر غايب*

وإللي ينام م العِشا زاهد ملوش نايب*

إقفل يا واد وإختشي صوتك تخين شايب*

..........................................

ألوو صباح الرضا أسف ومتأخر*

ضهري وقفايا إتمزق.. وسكينة بتشخر*

لَخَصْ بلاش هَرتلة مرفود ومتبخر*

..........................................

ألوو رصيدي خِلص; ممكن ترنيلي؟

كارت وفاتورة إتلهي لازم تعديلي*

الطفح إيه ع الغدا  , فاجئيني واحكيلي*

..........................................

ألوو معاكم رجب حاجز مريض تعبان*

شيال ودي صنعتي صايم لاكن شبعان*

نفسي أشِدْ النَفَس مَخروم وأنا الخرمان*

.......................................... 

ألوو ربيع الأمل   قادر وهتبرع*

يمكن أبيع كليتي فايق ومدلع*

نصاب ببيع الأمل  شخلل بقي وطلع*

.........................................

ألوو معاكم رضا    والصح مش راضي*

ظالم وصاحب عِلل    ينفع يكون قاضي؟ !*

ويتنج وخط إتقفل   راحت على الفاضي*

.........................................

ألوو أنا سيدة جايز أكون سيد .. سيبك من المندبة إنجز تعال عيد .. ساقط ومن وكستك مقبول ومش جيد..

.........................................

ألوو جواز السفر جاهز ومش مضروب ..

 سافر عشان العمل سافر وكان مغصوب ... 

فات البلاد وحدها والقلب فيه بيدوب...

.........................................

ألووو... فايز حميدة البطل ,خاسر ومش كسبان .. 

فقري ويوم ما إتنصف ميل على النسوان.. 

والندل مهما علي صدمان عبيط كحيان ..

.........................................

ألووو ...

قرفان ومن حرقتي مسطول ومش فايق .. 

حظي انا ف دنيتي مركوب ومش سايق .. 

إللي يقول النكت مهموم لكن 

 رايق ..

.........................................

بقلمي / أشرف محمد السيد

أشرف الشاعر أمير القوافي