خواطر بعنوان 
( الحلم )
لا يا حبيب العمر لا
بايدينا نشرب كاس النجاة
لذة التنعم في الرضا
هوده معني الحياة
انا عايش الحلم حقيقة
انا بحلم كل دقيقة
إن أحنا اتنين مع بعض
وقلوبنا وروحنا بريئه
الحب هو طريق
والقلب بيبقي غريق
لما الكل بيتدخل
بتقوم في بيوتنا حريق
ممنوع نجرى ورا الاهل
في مواجهه بكل طريق
ونعيش بالروح والعقل
ونخلي الكل صديق
الزوجة والاالزوج
بيقول كل الاسرار
فين الصحبه والاهل
في معالجة كل حوار
نصبر نجبر احلامنا
نجني ثمارنا والامنا
ونعيش ديما في سعادة
ونحقق كل امالنا
ايدينا في ايدين بعض
نتحدي كل الصعب
وبدون اسرار تتخبي
الشك هيمحي محبة
نعيش بكرة واليوم
في سعادة تملي الكون
وبدون اسرار وهموم
هنبدد كل غيوم
ولافيش احقاد وكلام
واذاعة لكل بيان
نحمي عشنا ونبوح
قلب وفكر مفتوح
انسي خالص وارتاح
قول يارب يافتاح
ارزقنا نجاح وفلاح
ونجاة وتوفيق وصلاح
نحب كل الناس.
رحمة وعفو واحساس
وبدون زحمة انفاس
هيكون الحلم اساس
الناس فاضية وشغاله
كلمة تشعلل متقاله
وبدون اخلاص وامانه
مابين غدر وخيانه
قصه مسلسل وروايه
تنفع لحياتنا الجايه
محتاجه جهود وتحدى
وحلول تحقيق للغايه
الدخل يدوب ع الاد
وتحدي لمليون سد
وحياتنا جذب وشد
والخير يدوب يتعد
محتاج ترفع لقضيه
اوشكوى لجهه منسيه
وعيون بدموع مروية
والرد الكلمة بمية
وبدون طلاق وعنوسة
وغلاء وازمة وحوسة
ووشوش محتاجة نظارة
فاكرين الغش شطارة
وبتوصف الف امارة
مين هيربي الاولاد
صراع احفاد اجداد
وميراث خلف احقاد
حوش وابني الامجاد
ياخسارة والف خسارة
في عيون جاحدة ومكارة
وتفاهم عاد بإشارة
وحقوق ضايعه ومنهارة
بقلم محمد عباس
الاسماعيليه . مصر
ليست هناك تعليقات:
إرسال تعليق