( إعتراف ) :
انا بعترف
أنا كنت مجرم مُحترِف
للعب بحروف الكلام
والكدب والزيف في الغرام
على إيدك إنتي هِدِيت وِتُبت
ما بقيتش إنسان منحرف
انا بعترف
أنا بعترف
لعبت بقلوب الصبَايا
لفَّقت كام قصة وحكاية
والكدب كان عندي هواية
معاكي إنتي صِحِيت وِفُقت
أصبحت إنسان مختلف
أنا بعترف
أنا بعترف
إن الصحيح هو الصحيح
ولا بد إني أكون صريح
والوهم عمره ما كان مريح
والحد عمره ما ييجي سبت
عمر الحقيقة ما تختلف
انا بعترف
خِلِص الكلام
مش باقي غير حب وهيام
مع اللي علمني الغرام
علمني إن الزيف حرام
وف ضله شفت الهنا وارتحت
وبقيت أهو زي الأَلِف
انا بعترف
أنا بعترف
بقلمي الشاعر جمال زكي عينر
ليست هناك تعليقات:
إرسال تعليق