حبة إحساس
********************
وساعات بتصور واتخيل
إن انني استاذ ............
حريف ف الشعر وانواعه
حتي الالغاز ..............
وبلمع كل اللي بقوله
جوه البرواز ............
والبحر الكامل ف إيديا
زي العكاز ................
والبحر الوافر بيعافر
يمكن يتعاز ................
وبذل جنابه عشان يعرف
إن انني استاذ .............
عفريت يا اخوتي مفيش مني
ولا ف التلفاز ..............
لا تقولي هشام ولا ابنودي
ولا حتي الباز ...............
اصل انا م الشعرا المعدوده
زي ابو نواس ..............
وبدون كل اللي بقوله
وبحط اساس ..............
واتخيل إني بقيت جهبز
وها اعلم ناس ...............
واحلف الدنيا باشعاري
وهاجيب الماظ ..............
والبس كاسكته علي دماغي
وكمان قفاز
وألف اوربا وأمريكا
بصاروخ نفاس
وسرايا كبيره تكفيني
وسرير هزاز
والجخ يحاول يقابلني
ف مكان ممتاز
بس انا مشغول جدا جدا
مش فاضي يا ناس
والوهم يجلجل ف نفوخي
زي الوسواس
واصدق إني باقت عايش
ف القمه خلاص
اتريني صغير علي قدي
ولا ليا مقاس ..........
ولا شعره ف صدر الابنودي
ولا حتي مداس ...............
وبسرعه اتخلص من وهمي
وارجع للناس ...............
يا جماعه انا واحد علي قدي
شغال هلاس ................
كل اللي معايا من الآخر
حبة احساس ...............
********************
بقلم ... طه ابراهيم
ليست هناك تعليقات:
إرسال تعليق