جايز إرهاق
او مش جايز
شبطانه ف حد
مهوش عايز
إسقاطا ع الوضع البائس
انا عبيت الفرح أزايز
و أديته لحد ميستاهلوش
أنا نفسي ألاقي حد يحوش
يتصدرلي ف وش الأيام
أنا بكدب جداً صدقني
لما بقولك أنا هبقى تمام
بتسيبني بصورتك أخر الليل
علشان تبدأ تغزو الأحلام
أنا أحسن حد يبان ناسي
بس مبنساش
بضحك و بكدب إحساسي
و بقول غشاش
طب ليه ببلاش
قررت تبيع
مش قولت ميفرقش التقاطيع
و أنا صونت و شيلت و كنت الدار
كنت بصدق كدبك يا حمار
و أوهب ببراءة طفل رضيع
أهو فاتوا سنين و أنا لسه بضيع
و بفكر فيك كل دقيقتين
و قصادهم بضحك كالعاده
و أكدب .. الكدبه المعتاده
و بقول :مكنوش يا أخوانا يومين
ف يقولوا : واحشها بزياده
يا خساره الكدب ملوش رجلين
ليست هناك تعليقات:
إرسال تعليق