** جفرا ويا هالربع**من تراثنا **
جَفرا ويا هالرَبِع طَلِتها حِنية
وعيونها لون الزَهِر والزهرة بَرية
نِزلَت لَعِند القاضي تتشكى عليه
محكوم حُكم الهوى أدبك شماليا
**********
جَفرا ويا عالربع كُحلتها شرقية
والقَلب صافي النبع ليالي الصيفية
نادَت عليه أسهر عا سَطح العِلية
غرِقِت في بَحر الهوى ما شِفقت عليا
**********
جفرا ويا هالربع والوجه لِمدَوَر
لما غابت عن عَيني القَلب بتحسر
سألت عن أبوها قالولي بالعَسكَر
بدي أطوع واروح وأعطيها عينية
**********
جفرا ويا هالربع لعيون شامية
وعيونِك زهر الياسمين الغالي عليه
لَو إنه يعود الهوى وأحَني إيدية
لاقطَع هَضبة الجولان وأمشي عا رجليا
**********
جفرا ويا هالربع فتي لبستاني
قلتي تفَرَج عليه ما أحلى فستاني
بدي اعبي العُطُر وأملي القناني
وأرش عُنق الحبيب وأغَرِق إيديا
**********
...بقلمي...ياسين مصطفى بكري...
ليست هناك تعليقات:
إرسال تعليق