* * * الظروف * * *
للشاعر /صابر الشناوي
شكرا لسياده الظروف
اللي. معودانا دايما
ضحكنا. من. الكسوف
الفرح بيجي. زياره
إبن. ناس تملي دايما
كأنه. واحد من الضيوف
والظروف. عاملها عاده
الفرح يا دوب هيرسي
تجد. حاجه. من. الظروف
مع. إن. عادتنا يا ساده
بنحب سكرنا. زياده
تحكم علينا وبغباوه
قهوتنا. لازم. تبقى ساده
والحب طبعا في الزمن دا
في الكافيه او في اللوكانده
حب كام. بيساوي. كام
والبحر بيحب. الزياده
لما تكون. بتحب. واحده
وفي. خيالك. نجمه شارده
سايب الدنيا. عشانها
وهي ليك عواطفها بارده
مهما تقول ليها وتحلف
ولمشاعرك ليها توصف
كل دا ما يساوي حاجه
حتى. لو حبك عباده
تعمل إيه. والإيد قصيره
فكرت يجي ف ألف حيله
الظروف دي ليك لوحدك
أما. أنا. العشاق زياده
شكرا. لظروفي. الجميله
علمت قلبي الفضيله
وإعتزلت الحب بدري
كان. ماتش ومالوس إعاده
لحظه. الحب. في حياتنا
لازم نطويها في سكاتنا
والظروف طالما قاسيه
بتعلم القلب البلاده
ليست هناك تعليقات:
إرسال تعليق