( رسالة من مصري )كلمات/ صبري حسين
مش هفضل اكرر في الكلام
واقولك كان وكان
كان زمان
كان زمان ده فيلم
من افلام زمان
زي ما قالوا زمان
قول للزمان ارجع يا زمان
لا احنا. اولاد الان
احنا المصريين
مش محتاجين نقول احنا مين
الكل يعرفنا من قديم الزمان
مصر جات وجات بعدها الحضارة
يا كل الحاسدين
يا كل الحاقدين
مش ذنبا احنا المصريين
أن بلدنا كرمها. الرحمن
ذكرها صراحة في القرآن
سبحانه لما تجلي
كان علي أرضها
مش ذنبا
أنه سبحانه اقسم بها
مصر مش محتاجة
تقول هي مين
هي خزائن الأرض الي يوم الدين
هي واحة امان
لكل خلق الله من الشمال أو اليمين
مفتوحة لكل العالمين
فاتحة القلوب
قبل الابواب
يا بخت اللي يكون ضيف علي أهلها
فقير أو غني
تلاقيه بكل عفوية
يعاملك بكل إنسانية
يخليك تحس انك صاحب الدار
وهو. اللي عندك زائر
يعاملك بكل احترام
يفرد لك كل أجنحة السلام
يعطرلك الكلام
في مصر عمرك ما تحس نفسك غريب
الكل يقابلك بكل ترحاب
مصر مش جنة
زي ما فيها الخير فيها الشر
اختار. انت طريقك
مفيش حد هيغصب عليك
زي ما الكباريهات موجودة
بيوت العبادة والمساجد عمرها
ما قفلت ابوابها
المسارح والسينمات
اماكن الحفلات
قاعات العلم والمحاضرات
هتلاقي اميز الصالونات
فيها كل الندوات
قصة وشعر واجمل الكلمات
انت اللي عليك تختار
الطريق اليمين أو الطريق الشمال
انت صاحب القرار
مصر الأزهر الشريف
السد الحصين للدين الحنيف
الازهر اللي أضاء العالم بعلمه وعلومه
مصر. اول واعرق الجامعات
اللي صدرت العلم والعلماء لكل القارات
ياللي اخترت الطريق الشمال
هو حد أجبرك عليه
شيطانك اللي خلاك
بكامل أردتك مشيت فيه
ليه بعد ما ربنا سترك
بكل بجاحة تفضح نفسك
روح استغفر ربك
وحاول تكفر عن ذنبك
مصر زيها زي كل بلاد الله
فيها التقي وفيها العاصي
كل انسان بصير علي حاله
مصر يا ارض الكنانة
يا بلاد الخير
بتحبي لنفسك ما تحبيه للغير
يا كل الحاقدين
مش هقولك افتكر عملنا ايه زمان
عمرنا ما ندمنا علي عطائنا
لان الشهامة دي طباعنا
مفيش حد ضحي اد ما ضحينا
قدمنا أموالنا وزهرة شبابنا
روينا الارض بدماء ابطالنا
يا كل الكارهين
يا كل الحاقدين
الاعتراف بالجميل أو نكرانه
لا هيزودنا ولا ينقصنا
الاصل ده مفيش حد بيشتريه
ده طبع اولاد الأصول بيتولدو به
الأصل مش بالدرهم ولا الدينار
عمره ما كان ميزانه الدولار
الاصيل اللي اللي يعطي كل واحد قدره
يعترف بفضل اللي وقف جنبه
يشكر لكل ذي فضل فضله
قالوا من لا يشكر الناس لا يشكر الله
مصر مش محتاجة شكر من حد
كل اللي عايزاه كل واحد
يلتزم الحد
مصر عمرها ما تشمت في حد
طول عمرها السند
عن الحق عمرها ما تحيد
يا كل الحاقدين
يا كل الكارهين
نار الحقد اول ما تحرق
تحرق صاحبها
الكاره كاره لنفسه
قبل ما يكون كاره لغيره
مش هقولك كان زمان
لان مصر هي مصر في كل زمان
سبحانه كرمها في القران
وأوصي بها خاتم المرسلين
ووصف جنودها بخير اجناد الأرض
نصيحة من القلب
بلاش التطاول علي مصر
مصر التاريخ مصر الحضارة
التطاول مش من طباع الرجال
مصر بتحترم الكل
بتتعامل مع الجميع بكل نبل
شايلة هموم الكل
مصر اللي عبر التاريخ
مقبرة لكل الضغاة الطماعين
علي عتبتها تحطمت احلام المعتدين
تتار وصليبين
بايدي اولادها مسيحين ومسلمين
مصر إللي أهلها طول عمرهم متحدين
دوستورهم الدين لله والوطن للجميع
يا كل الكارهين
يا كل الحاقدين
مهما تقولوا او تعملوا
مهما تزيدوا في مكركم
سبحانه يجعل مكركم في نحوركم
مصر سبحانه هو اللي حاميها
يا كل الحاقدين
يا كل الكارهين
مصر قبل الزمان
مصر مش مجرد مكان
مصر لكل جميل عنوان
مصر الثقافة والفنون
السياسة والعلوم
في كل شبر من العالم
تلاقي لمصر علامة
هتفضل مصر ام الدنيا
رغم انف كل الكارهين الحاقدين
مصر محفوظة بحفظ الرحمن
سبحانه قال في القران
ادخلوها امنين
صبري حسين
ليست هناك تعليقات:
إرسال تعليق